Яс талаплар. Йогары оьнерин коьрсетти

Янъыларда Москва каласында оьткен Савлайроссиялык «Талаплар парады -2022» деп аталган яратувшылык шарасында Терекли-Мектеб авылында аьрекетин бардыратаган Сраждин Батыров атындагы саниятлар мектебининъ окувшысы Диана Муслимова енъуьвшиси болды. Бу шара Россия Федерациясынынъ Маданият министерствосынынъ колтыклавы астында уйгынланган эди.

Яс домбырашы кызымыз оьз оьнерин коьрсетип, энъ де сыйлы савга – Гран-При алган. Дианады халкымыздынъ белгили композиторы эм оьнерли аьдемлерининъ бириси Яхья Таймасхан увылы Кудайбердиев аьзирлейди.