Маьселе ме экен? Кок басканды ой басар

Яшав деген аьлемет зат, коьп затларды коьрсетеди бизге, коьп затларга уьйретеди. Мен де ногай халкымыздынъ бир айтувын баскалай туьрлендирдим. Кок басканды ой басар. Сога мени не зат даьвлендирди деп сорасанъыз, яваплайым. Не зат болсын? Азбардагы уьйилип турган кокыс. Мине эки айдан артык арада бир орам ман кокыс йыйнап юретаган коьлик йок болып калды.

Исси куьнде куьндегилик яшав-ашав турмыс калдыкларын азбардынъ бир муьйисине салып коймага да суьймеймиз, неге десе янып турган куьнинде куртламага да болады.

Эки юмада бир юретаган тракторды орамга шыгып карап туратаган эдик, аьлиги заманда уьмитимизди уьздик, оьзлеримиз бир амал тавып таслаймыз, савболсын,  авылдаста коьлик бар, оьзиндикин таслаганда, айтады.

Сол соравды шешпеге ярамайтаган болаяк? Терекли-Мектеб авыл поселениесининъ басшысы, авыл депутатларды сол соравды йыйылып, караса, бир ойга келсе, бир маьселе де болмас эди. Келетагандыр деп те шекленмеймен, неше йылдан бери сол сорав коьтерилмей де болмас, тек эткен куллыгымызды ерине еткерсек экен. Сол заманда баьримиз де парахат болар эдик.

Г.Бекмуратова