Буьгуьнлерде савлай Элимиз бойынша Россия Коршалав министерствосынынъ Савытлы куьшлерине толы болмаган мобилизациясы бардырылады.
«Шоьл тавысы» газетасы Дагестаннынъ Бабаюрт районынынъ Геметюбе авыл аькимбасы Кураш Аджигишиевтинъ йогары яваплылыгы эм патриотизми акында хабарлайды. Кураш Аджигишиев те яс авылдасларына повестка келгенде, ясларды коршаламага эм олардынъ акында каьр шекпеге деп, олар ман бирге Донбасска кетпеге токтасты.
Аьлиги заманда олар Шешен Республикасынынъ Наур районынынъ Калиновская станицасында ерлескен йыйылув пунктында боладылар. Янъыларда онда аьзирлик коьретаган дагестаншыларды коьрмеге республика парламентининъ спикери Заур Аскендеров болып кетти. Кураш Аджигишиев оьз авыл яшавшыларынынъ патриотлык сезимин белгиледи.
– Мага яс авылдасларымнынъ алдында, оларды аькетип, оьзим бармай калмага уятлы эди. Меним авыл ясларымды аькеткен сонъ, мен де олар ман бирге оьз эрким мен кетпеге суьетаганымды билдирдим, – дейди К.Аджигишиев.
Авыл яшавшылары Кураштынъ акында авылда ийги соьзлер мен атанадылар эм Элин коршалавга йолланган баьри геметюбешилерине де аман барып сав кайтканды йорайдылар.
Э.Кожаева.
Суьвретте: геметюбешилер Элин коршалавга йолланган мезгили.