Мен тийисли тыншаювга шыгып, коьп пенсионерлердей болып яшав оьмиримди куьремен. Коьбисинше заманымды уьйшиликте озгараман, ямагат арасында да коьп болмайман, оьзимдегилердей пенсионерлер мен де тар катнаслыгым йок. Ама бирерде азык-туьлик алув уьшин туькенге бармага туьседи.

Эм мине сондай бир куьнде туькеннинъ босагасында меннен вакцинация оьткенлигим акында сертификат коьрсетуьв кереклиги эм туькенге маскасыз кирмеге ярамайтаганы акында айттылар. Эм сонда мен ойладым: коьп аьдемлер келетаган туькендей ерде ондай талаплавлар салынатаган болса, коронавируслы юкпалы мараз бан байланыслы туьзилген аьл власть органларына тыйдажылык йорыклар тутувына тергев салув борышы тапшырылган. Эм сол зат, оьзек те, бизим баьримиздинъ ден савлыгы акында каьр шегуьв болатаганы баьримизге де анълавлы.
Медиклер-аналитиклердинъ вакцинадынъ аьдем савлыгына кавыфлыгы йок деген ойы ман етекшиленип, солай ок вакцина бу мараздан сакланувдынъ ялгыз бир эби экенинде шекленмей, мен коьп заман ойлана берип (ялган билдируьвлерди окып), вакцинацияды оьтпеге токтастым. Эм мине соннан сонъ ден савлык аьлимнен тура эш кыйналмайман. Мендей болып, вакцинацияды оьтпеге маслагат беремен, неге десе коронавируслы инфекцияга карсы биз баьримиз де биргелесип турмага керекпиз. А онынъ уьшин авырувга карсы коьлемлик иммунитет болмага тийисли вакцинация оьтуьв негизинде.
Феруза Ваисова, пенсионер.