2020-ншы йыл (01.04) – 2022-нши йыл (08.02) болжалында Ногай районында коронавируслы маразы ман 2615 аьдем авырыган. Буьгуьнге стационарда 32 аьдем, амбулаторияда 119 аьдем эмленеди. Район поликлиникада прививка этетаган кабинет ашылган, 10250 вакцина аькелинген. Буьгуьнге 8407 аьдем вакцинацияды, 951 аьдем ревакцинацияды оьткенлер. Баьриси 10472 аьдемге прививка этилинмеге керек. Балалар уьшин 20 вакцина аькелинген, 5 балага прививка этилинген.

Ногай больницасында 50 аьдемге эсапланып госпиталь ашылган. Район эм авыл администрациялар, организациялар етекшилери больницага кислород аькелуьв уьшин коьлик пен канагатлайдылар.
Ногай районынынъ медучреждениелеринде керек шаклы дарманлар эм байыр коршаланув амаллар бар. Терекли-Мектеб район орталыгында вакцинацияды оьтсинлер деп агитация кепли 3 баннер ерлестирилген, тестирование озгарылады. Коьлем аьдемлер йыйылган шаралар озгарылмайды, РФ-нынъ баска регионларыннан келгенлер медицина, полиция эм МО куллыкшылары ман тергеледилер. Авыл поселениелер куллыкшылары ягыннан савда предприятиелери мен санитар-эпидемиологиялык йорыклар тутылувына тергев салынады. ДР бойынша Роспотребнадзор куллыкшылары ман самоизоляция акында 1731 токтас шыгарылган, 1638 тайдырылган, 93 тергев астында.
Полиция куллыкшылары ман пандемия басланып, тыйдажылык йорык- лар киритилгеннен алып маска киймей юрген 4401 аьдем аянланган, олардан 302 – быйыл, баьриси бо- йынша да административлик протоколлар туьзилген.
Пандемия басланганнан алып 37 аьдем оьлгени регистрацияланган: 30 аьдем – коронавирустан, 7 аьдем – пневмониядан.
Ногай район администрациясы ман медицина куллыкшыларына коьлик яктан буйымларын битируьв уьшин, солай ок амбулатория аьлинде эмленетаганларга дарманлар еткеруьв уьшин 2 коьлик кулланувга берилген. Район Россетьлер волонтерлар ярдамы ман район поликлиникасынынъ медицина куллыкшыларына уьйлер бойынша оперативли аьлде дарманлар уьлес- тируьв уьшин автокоьлиги берилген.