– Сисе кайтип ясайдылар, Азамат?
Деп сорaйды окытyвшы деристе.
Яваплайды соравына окувшы:
– Топ пан буздым терезелер неше де.
Мен билемен, сол бузылган кесеклер
Келеекте – бир аьлемет сиселер.
Эсап дерис.
– Ойлап кара, Азамат.
Сен туькеннен эки алма алгансынъ.
Сонъ биревин Айсылувга бергенде,
Нешев калды?
Кайтип энди санарсынъ?
Куьрсинеди Азамат:
– Эсап дерис – кыйын зат.
Тайдырув белгисин мутканман.
Сога коьре Айсылувга алмады
Бермей, оьзим экевин де aшарман.
Г.Бекмуратова.