Бек авыр аьлге туьстилер Украинадынъ ерли яшавшылары. Россия оларга сондай кыйынлыкта табылды: элимиздинъ кайсы муьйисиннен де уьйкен гуманитарлык коьмек этпеге языкшыл аьдемлер оьз уьлисин коспага асыктылар.

«Бу ак ниетли исте бизим берекетли Кумлы авылынынъ яшавшылары да ортакшылык этпеге асыктылар. Олар – предпринимательлер Саида Нурлубаева эм Асият Танашева», – дейди Кумлы авыл аькимбасы Сакинат Елманбетова. Бу эки кыскаяклылар, гуманитарлык коьмек этуьв исине белсенлик пен кирисип, оьзлерининъ кишкей савда юритуьв аьрекети мен пайдаланып, авыл еринде ашкан туькенлериннен Украинадынъ ерли яшавшылары эм оьз эрки мен Аталыгымыздынъ япсарларын коршалайтаган аьскершилер уьшин коьп заманга дейим заяланмай сакланатаган азык-туьликлер, аьдемлерге бас деп керекли эм куьндегилик кулланылатаган товарлар йибердилер. Олар, Украинадынъ эм Россиядынъ кардаш халклары ара орын тапкан анъламавлык тайып, баьри ерде тынышлы яшав туьзилеегине сенедилер.
Б.Ибрагимова.