Терекли-Мектеб район орталыгынынъ А.Ш.Джанибеков атындагы орта мектебининъ окытувшылары эм окувшылары «Биз бирге» савлайроссиялык акциясында белсенлик пен ортакшылык этедилер. Мектеб пен бизим аьскершилер уьшин йылы кийимлер эм аяк кийимлер, азыклар, зияпетлер йыйналды. Балалар аьскершилердинъ юреклерине еткендей йылы хатлар яздылар.

Юма басында А.Ш.Джанибеков атындагы мектебининъ директоры Курасхан Ярикбаева йогарыда белгиленген савлайроссиялык акциясында белсенлик пен ортакшылык эткен баьрисине де оьз разылыгын билдирди, боьтен де ол балаларды мактады эм оларга каратылган соьзинде:
– Сиз билгенлей, меним увылым согыс спецоперация озаяткан еринде, бизим Аталыгымызды явдан коршалап, оьз Эли алдында оьзининъ аьскерлик борышын толтырады. Сизинъ сол шаклы коьп посылкалар йыйнаганынъыз акында меним хабарымды эситкенде, онынъ юрегинде, сизинъ бу ак ниетли исинъиз – кишкей йигитлик деп, уьйкен оьктемлик тувдырды. Мен бек оьктеммен бизим мектебимиз бен! – деди ол.
Ногай район администрациясынынъ билимлендируьв боьлиги мен йыйылган баьри посылкалар согыс спецоперация озаяткан ерге йиберилди.