Янъыларда Кизляр районынынъ китапханаларында «Ак турналар» деген адабиат байрамы белгиленди. Сол байрам согыс майданларында ян берген аьскершилерин эскеруьв ниет пен Дагестан Республикасынынъ Халк шаири Расул Гамзатов пан беркитилген болган.

Сол куьн китапхана куллыкшылары ман «Турналар оьлимсизликке ушадылар», «Яны курман болган аьскершидинъ эстелик куьнине» деген китап-суьвретлер выставкасынынъ презентациясы, «Дав майданларында соьнмейдилер согыслар» деген билдируьв саьати, «Дайым эсте сакланъыз!» деген тарих экскурсы уйгынланып озгарылдылар. Баска болып, сол куьн «Расул Гамзатовты окыймыз» деген online-акциясы да тамамланды. Ол «Меним тувган йылым» деген поэмадан кесеклерин окув ман кырк кийик айынынъ 8-де, шаирдинъ тувган куьнинде басланган эди эм ДАССР-дынъ туьзилуьвининъ 100 йыллык мерекесине багысланып, сав дуныяга таныс болган Расул Гамзатовтынъ белгили ятлавларын ана тилинде окувы ман тамамланды. Солардынъ бириси сав дуныяга белгили» болган «Турналар» деген ятлавы эди.
Шаирлик акциясында авыл
китапханаларынынъ окувшылары З.Курбанов, Х.Ахмедова, Н.Корниенко, С.Курманбаева, Д.Курбанова, В.Будаева, З.Насрулаева, Х.Шапиева Ф.Омаргаджиева, Т.Тинамагомедова ортакшылык эттилер.
Шыгармалардынъ окылувы китапханадынъ YouTube каналынынъ эм Instagram аккаунтларынынъ видеоларына алынган.
Асан Найманов.
Суьвретте: «Ак турналар» байрамыннан коьринис.