Янъыларда, 3-нши августта, ЛНР Аькимбасы Леонид Пасечник Шешен Республикасынынъ аькимбасы Рамзан Кадыровка ЛНР Баьтирининъ медалин тапшырды. Бу шатлыклы шара Грозный каласында озгарылды. Онда Л.Пасечник Чечня яшавшыларына украин нацистлерине карсы турувда эткен ярдамлары уьшин оьз разылыгын билдирди. «Ортак куьш салувы ман ЛНР ери явлардан босатылган, яшавшыларынынъ баьриси де «Ахмат» аьскерлик куьплериндеги аьскершилер ким экенлерин биледилер», – деп косты ол.

ЛНР Аькимбасынынъ Указы ман Рамзан Кадыровка Донбассты явдан босатувда коьрсеткен йигитлиги эм коркынышсызлыгы уьшин ЛНР Баьтири деген сыйлы ат берилгени акында айтылды бу шатлыклы шарада.
ЛНР Баьтири деген сыйлы ат 2018-нши йылдынъ 18-нши май куьнинде токтастырылган. Сондай сый-оьрметке тийисли болганларга айырым белгиси – «Алтын юлдыз» медалин тапшырадылар.