Дагестан Республикасынынъ Бабаюрт районынынъ Геметюбе авылына олимпиада чемпионы Альберт Батыргазиевтинъ ата-анасына конак болып Шешен Республикасынынъ ногайларынынъ миллет-маданият автономиясынынъ басшысы Альфия Кургановадынъ етекшилеви астында делегация келди. Олар Батыргазиевлердинъ суьйинишин боьлиспеге, оларды кутламага деген ниет пен йол алганлар.
– Биз делегация болып ногай йигитимиз, олимпиада чемпионы Альберт Батыргазиевтинъ ата-анасын сыйлап, оларга савбол айтпага келдик. Мен ногай халкыма Альберттей арслан юрекли яслар коьп болсын деп йорайман. Батыргазиевлердинъ аьелине аьли де коьп куванышлар сагынаман, – деп айтты йоравын А.Курганова.
Батыргазиевлердинъ куванышын савлай ногай халкымыз бан боьлисемиз.
