ДР-нынъ Ногай районынынъ прокуратурасы Енъуьв куьнине рас барып суьврет ясав шарасын озгарады.
Шарады озгарувдынъ бас мырады – оьсип келетаган несил арасында патриотизм сезимлерин эм аталардынъ йигитлиги уьшин оьктемлигин оьстируьв.

Ногай районынынъ прокуратурасы ман белгиленген суьврет ясав шарасында алты ястан он бес яска дейим балалар ортакшылык этпеге боладылар.
Шара уьстимиздеги йылдынъ коькек айынынъ 8-нши куьниннен алып 29-ншы куьнине дейим озгарылады. Билдирип озайык, шарада катнаспага мырады бар балалар эки куьпке боьлинедилер, алты ястан он яска дейим эм он бир ястан он бес яска дейим.
Шарадынъ сонъында, эртеректен белгиленген комиссия савгалы – биринши, экинши эм уьшинши орынларга тийисли суьвретлерди белгилееклер.
Шара тамамлары 2022-нши йылдынъ курал айынынъ 4-нши куьнинде белгиленеек.
Суьвретлерди балалар оьзлери, баскадынъ коьмегин алмай, ясамага кереклер. Солай ок, суьвретлер булай эм картон кагытларда, кайдай туьрли жанрда эм техника ман ясалмага да болады.
Катнаспага суьйген баьри балаларды да шакырамыз. Аьзир куллыкларынъызды Ногай районынынъ Терекли-Мектеб авылынынъ Карл Маркс атындагы орамындагы 32-нши номерли уьйге аькелмеге боласыз. Соравларынъыз бар болса, 8(988) 636-22-97 номерли телефонга тел согынъыз.
Аьр бир ясалган суьвретте аты, ясаган аьдемнинъ аты эм тукымы, тувган куьни эм ата-анасынынъ яде закон бойынша ата-ана орынына ваькилининъ телефонынынъ номери белгиленмеге керек.
А.Дильманбетов,
Ногай район прокурорынынъ исин юритуьвшиси юстиция маслагатшысы.