Уьстимиздеги йылдынъ кырк кийик айынынъ 19-ншы куьнинде Сырт-Кавказ округынынъ бас каласы Пятигорскта кала ипподромында тарихте биринши кере Сырт-Кавказ Федераллык округындагы Россия Федерациясы мусылманларынынъ дин упралениеси бойынша председателининъ толы ыхтыярлы ваькилининъ савгасына ат шабыслар ярысы уйгынланып озгарылды.

Сол савга ерли мусылманлардынъ тилеги мен, Мухаммад Пайхамбардынъ (Ога тынышлык) суннасы болган Сырт-Кавказ Федераллык округындагы мусылманлардынъ арасында атты асыллав эм ат спортын кенъ яйылдырув мырат пан беркитилген.
Баска болып ол дин организацияларын ямагат пан ювыкластырувга, ямагат аьрекетинде эм спортта белсенли катнасувга, яшавдынъ савлык кебин яйылдырувга, дин организацияларынынъ куллыгы тек аьдетлер болады деген ялган ойларды бузувга каратылган.
Пятигорск кала ипподромынынъ ис коллективине эм администрациясына уьйкен разылыгымды билдиремен.
Рашид Акказиев, Сырт-Кавказ Федераллык округындагы Россия Федерациясы мусылманларынынъ дин упралениеси бойынша Председателининъ толы ыхтыярлы ваькили.