Москва каласында янъыларда бокс кешлиги озды. Бу шарада Токиода Олимпиада чемпионы Альберт Батыргазиев эм азербайджан Гайбатулла Гаджиалиев рингке шыктылар. Куьресуьв 10 раунд болды эм тоьрешилердинъ карары ман енъуьвши Альберт Батыргазиев болды. Бу енъуьв Альбертке 61,23 шеккиси спортсменлер категориясында Евразиялык боксерлар парламентининъ (ЕВР) чемпионынынъ атын алмага амал берди. Бу бизим халкымыздынъ данъклы увылынынъ 6-ншы енъуьви болды.

Енъуьвшиди Дагестан Республикасынынъ Аькимбасы Сергей Меликов кутлады. Ол ЕВР чемпионынынъ белбавы сенимли колларда экенин белгиледи. Альберт Батыргазиевке каратылган кутлав соьзлеринде регион басшысы «Аьперим, Альберт! Сени мен оьктемсиймиз!» деп язган.
Биз де ак юректен Альбертти енъуьв мен кутлап, аьли де алдыда бийик- ликлер йораймыз.

Г.Бекмуратова.
Суьвретте: А.Батыргазиев.