Ата-бабаларымыздынъ аьдетлерин эсимизге туьсирейик.
Айтпага, 1914-нши йыл оьз ыхтыяры ман согыска Туземная (Дикая) дивизияга кеткен атлыларды, солай болып, 1941-нши – 1945-нши йылларда Уллы Аталык согысына, оннан сонъ 1945-нши йылдан алып 1991-нши йылына дейим Совет Аьскерине, коьплерди «кызувлы точкаларына» йолга кайтип салганымызды эсимизге туьсирейик.
Бас деп, садака-дуа, тилеклер эткенлер, ясуьйкен кыскаяклылар кетеек аьдемди ошакка янастырып «Аман барып, сав кайтсын, от ягасын тапсын», – деп йолга салганлар. Териге (кожа) тигилген уьш муьйисли дувады кетеек аьдемнинъ мойынына такканлар. Кетеекти миллет кобызы ман эм йоравлар айтып, садака пайлап йолга салганлар. Бирге суьвретке туьскенлер.
Баалы ногайлар, эсинъизге сол затты туьсиринъиз! Ин Ша Алла, согыстынъ токтаганын да коьрермиз! Патшаларга сабырлык! Буьгуьнги кыйын куьнлеримизде халкымызга бирлик эм татымлык! Кеткен эм йолланган ясларымызга аман барып сав кайтсынлар, барып аман-эсен келгенлердинъ йолын берсин деп йорайык! Бир Аллага аманат!
Хаирбек Алакаев.
Янъы Уренгой каласы бойынша «Ногай Эл» ерли миллет маданият автономиясынынъ председатели.