Тагы да бир йылды тарихке йиберемиз. Оьтип баратаган йылымыз да кыйынлы йыллардынъ бириси эди, бу йылды да коронавируслы маразы ман куьресте озгарамыз.
Алдымызда Янъы 2022-нши йыл, бу йылга уьйкен сенимлеримиз бар – элимиз бойынша яйылып келген коронавируслы маразын артта калдырармыз деп ойланамыз.

Ис сырагыларымыз бу куьнлерде де яман тувыл, тек алдыда да уьстинликлеримиз аз болмас деген сенимимизди этемиз, оьз ягымыздан колымыздан келетаган баьри ийгиликлерди де халкымызга этпеге шалысаякпыз.
Аявлы Ногай район яшавшылары, баьринъизди де келеятырган Янъы 2022-нши йыл ман кутлайман, ис йолдасларыма тек ден савлыкты йорайман. Келеятырган йыл хайырлы аягы ман кирсин, аьр бир аьелге таьвесилмес наьсипти аькелсин.
Ф.Межитова,
Ногай ЦРБ бас врачы.