Ставрополь крайындагы Минераловодский районында орынласкан Канглы авылында уьстимиздеги йылдынъ кырк кийик айынынъ 25- нши куьнинде 10 саьатте (1492-нши йылларда элгезерлердинъ тарих булакларында биринши эскеруьвлерге коьре) «…Ногай Ордасы Куьми йылгасында ер суьргенине» 530 йыл болатаган мерекесине багысланган шарасы уйгынланып озгарылаяк.

Байрамда конакларга белгили ногай йырлавшы А.Султанбековтынъ эм баска ногай эстрада артистлерининъ ортакшылык этуьви мен концерти, туьрли спорт бойынша базласувлары, Карашай-Шеркеш Республикасындагы ногай халк патшалык драма театры ман сахнага шыгарылган спектакли, саьбийлерге деп уйгынланган туьрли шенъилшеклер, батутта ойынлары коьнъилин коьтермеге амал берилеек.
Канглы авылынынъ ямагат аьрекетшилери сол куьн баьри ногайларды да ортак байрамды бирге хош алмага, савлайногайлар мерекесининъ сыйлы конаклары болмага шакырадылар.