Сыйлы ясуьйкенлер несилининъ яшавшылары, ветеранлар, согыс эм тынышлы ис балалары!

Сизди ак юректен Халклар ара Эслилер куьни – акыллык эм танълык байрамы ман кутлайман.
Ясуьйкенлер несили – олар оьзлерин аямай, йигитлик коьрсеткен, каныгыслы кепте кыйын салганлар. Сизинъ ис аьрекетинъиз бен миллет байлыгы туьзилген, авыл хозяйствосы оьрленген, савлык саклав эм билимлендируьв тармаклары ийги якка туьрленген. Ама сиз кызганмай боьлискен бас асабалык – ол терен акыллык эм бай яшав сулыбы.
Сизинъ коьплеринъиз, ясларына карамастан, ис аьрекетлерин калдырмадылар, районнынъ ямагат яшавында белсенлик пен катнасувын бардырадылар, оьсип келеяткан несилди тербиялав исине уьлисин косадылар.
Сизинъ куьш-куватлыгы- нъыз, белсенли гражданлык позициянъыз яркын коьрим болады эм районнынъ яс яшавшыларына ийги яшав йолы ман бармага демевлик этеди.
Салган кыйынынъыз, йолда раскан буршавлыклардан оьтип, оьз мыратларынъызды яшавга шыгарувда болымлыгынъыз, бизим районымызга ак юреклик суьйиминъиз уьшин сизинъ алдынъызда бас иемиз, ак юректен сыйлаймыз эм разылыгымызды билдиремиз.
Сизге берк ден савлыкты, ян тоьринде парахатлыкты, ювыкларынъыз эм кардаш-тувганларынъыз ягыннан йылувлыкты эм суьйимликти, наьсип эм яшав онъайлыгын йорайман.

«Ногайский район» МР администрациясынынъ аькимбасы Д.Эсиргепов.