Дагестан Аькимбасы Владимир Васильев 3 ясыннан 7 ясына дейимги аьр балага ай сайынлык тоьлев акында Указына кол баскан. Сол документ пен Дагестан Аькимбасынынъ сайтында таныспага боласыз.

Бу акша балалардынъ белгиленген куьбине быйылдынъ 1-нши канътар айыннан алып эсапланаяк. Сондай акша тоьлевди аьелдинъ орта келимин аьр аьдемине боьлгенде, республика бойынша оьткен йылдынъ экинши кварталы уьшин энъ киши яшар оьлшеминнен артпайтаган аьеллердинъ балалары алаяклар.

Оьткен йылдынъ экинши кварталында балалардынъ энъ киши яшар оьлшеми 10119 маьнет акша болган болса, эгер сиз тоьлев артыннан бу йылдынъ ызына дейим сорав коьтерсенъиз, 5 мынъ маьнет акша оьлшеминде пособие алмага боласыз.

Бу сорав ман Дагестан Республикасынынъ Ис министерствосы каьр шегеди. Айтылган ведомствога быйылдынъ 1-нши тамбыз айына дейим тийисли аьеллерге акша пособиесин тоьлев борышы тапшырылган.