Дагестаннынъ Ногай районынынъ Нариман авылы ериндеги ногай шаири Кадрия Темирбулатова атындагы паркта шатлыклы аьлде балалар майданы ашылды. Сонынъ акында район администрациясынынъ пресс-службасы билдиреди.

Майданнынъ шатлыклы аьлде ашылув шарасында Ногай район етекшиси Джамалутдин Эсиргепов, ямагат организациялар ваькиллери эм, оьзек те, балалар ортакшылык эттилер.
Район етекшиси Д.Эсиргепов, йыйылганларды бу оьзгерисли куьн мен кутлай берип, балалар майданы «Формирование комфортной городской среды» деген федераллык программага коьре салынганын белгиледи. Онынъ курылысына 2 миллион маьнет акша шыгарылган. Майданды балалар уьшин керекли алатлар ман яракландырувда «Трезвая Россия» Федераллык проектининъ етекшиси, РФ Оькимет Думасынынъ депутаты Султан Хамзаевтинъ катнасканы айырым белгиленди. Солай ок С.Хамзаевтинъ ярдамы ман парк еринде яслар уьшин воркаут-майдан ерлестирилген.