Уллы Аталык согыс йылларынынъ кайгылы оьзгерислери бизден узакка кете бередилер. Онынъ кайнасында болганлар эм сол каты йыллар азабын шеккенлер азая береди. Эм бизге, аьли яшайтаганларга, Аталыгымыздынъ алдынгы йигитлиги акында, уьйкен баа ман етисилген Уллы Енъуьв эстеликти келеектеги несиллер уьшин саклав деген бек маьнели.

1942-нши йылда Караногай (Ногай) районы кесек заманга Германия армиясынынъ алдышы кесеклери мен бийленген эди.
Бизим районымыздынъ яшавшыларынынъ йигитлиги, канын-янын, куьш-куватлыгын аямай, уьйкеннен кишкейге дейим тувган шоьлин коршалавга турганлары аркасында фашистлер бизим ерди бийлев мырадына етиспедилер. Уллы Енуьвди ювыклатув уьшин бизим атайлар, арувды-талувды билмей, кеше-куьндиз кыйын салдылар.
Район партизанларынынъ эм генерал-лейтенант Николай Кириченкодынъ 4-нши гвардиялык конно-механизированный корпусынынъ куьплерининъ биргелес куьш салувлары ман 1942-нши йылдынъ декабрь айына фашистлер бизим район ериннен толысынша кувылганлар.
Биз, сизинъ тувдыклар, баьрисин де аты-атлары ман билемиз эм сизинъ йигитлигинъиз акында эстеликти эсимизде уьйкен сый ман саклаймыз, сизинъ йигитлигинъиз коьрим этилип яс несилди тербиялаймыз.
Сыйлы тул хатынлар, тыл куллыкшылары эм согыс йыллар балалары! Сизге кыйынлык- ларды енъип, каныгыслы кыйын салганынъыз уьшин уьйкен савбол айтаман. Биз разымыз сизге Уллы Енъуьв уьшин!
Буьгуьнде, бизим Тувган Элимиз уьшин кавыф тувган заманда, сизиъ уныкларынъыз эм немерелеринъиз, оьз яшавларын аямай, йигитлигин коьрсетип, оьз Аталыгын коршалавга турдылар.
Биз енъермиз! Тоьбемиздеги аспан таза эм тынышлы болар!

«Ногайский район» МР администрациясынынъ аькимбасы Д.Эсиргепов.