Язувшы, ямагат аьрекетши эм Россия ногайларынынъ ФНКА Оьр Советининъ председатели Валерий Казаков Украинада Донбасс яшавшыларын коршалав мырат пан юритилип турган согыс операциясы акында оьз ойын айткан.

– Аьши, ким биз болмасак? Россиядан оьзге ким энъ де баслап бизим элимиздинъ кавыфсызлыгын яклап болаяк? Россия Федерациясы он йыллар бойы дипломатия йорыгы ман соьйлесуьвлер юритти, тек оны эситпедилер.
Биз эндигиси бу аьлди оьз колларымызга алмасак, кешикпеге боламыз деп кавыфсызланаман. Сонынъ уьшин Россия Президентининъ карарын буьгуьнги туьзилген аьллерде дурыс деп санайман.
Россия аьрекетининъ бас ниети – ол тек ДНР эм ЛНР яшавшыларынынъ тынышлыгын тувыл, солай ок элимиздинъ келеектегисин коршалав, – деп белгилеген Валерий Казаков.