Уьстимиздеги йылдынъ курал айынынъ 27-нши-28-нши куьнлеринде У.Алиев атындагы Карашай-Шеркеш патшалык университетинде КЧР-дынъ Халк язувшысы, ДР ат казанган аьрекетшиси Суюн Имамалиевич Капаевтинъ 95 йыллык мерекесине багысланган «Сырт-Кавказ художестволык адабиат контекстинде ногай адабиат классикасы» деген Савлайроссиялык илми-практикалык конференция уйгынланып оьтти.

Конференция куллыгында илми-тергев эм билимлендируьв орталыклар ваькиллери – туьрли калалар, регионлар, айтпага, Москва, Татарстан, Башкортостан, Крым, Астрахань, Сырт-Кавказ Республикалар аьлимлери, йогары окув ошаклары, орта билимлендируьв мектеблер окытувшылары ортакшылык эттилер.
Солай болып, шарада ДР-нынъ Ногай район билимлендируьв ошакларынынъ ногай тил эм адабиат окытувшылары, айтпага, Зухра Мавлимбердиева, Салимет Нукова, Нурсият Зарманбетова, Сания Кошанова эм Насипхан Джумаева ортакшылык эттилер. Конференциядынъ Пленарлык йыйынында «Суюн Капаевтинъ мектеб программасында ногай адабиаты бойынша «Ногайдынъ уьйи» деген тема бойынша доклады ман Насипхан Джумаева шыгып соьйледи.
Шара Россия ногайларынынъ федераллык миллет-маданият автономиясы эм У.Алиев атындагы Карашай-Шеркеш патшалык университети мен уйгынланган эди.
Суьвретте: илми конференция катнасувшылары.