Ердесимиз, ногай йигитимиз Мамедья Култаев, Москва каласынынъ Кутафин атындагы патшалык юридический академиясынынъ студенти, аьр йыл сайын озгарылатаган MSALAWARDS – энъ де ийги студентлер премиясынынъ иеси болды.

Айтып озайык, йогарыда белгиленген баргы бойынша бир неше номинация бар эди. Мамедья Темирлан увылы Култаев «Йыл ашылувы» номинациясы бойынша енъуьвши болды. Бу номинацияда катнасар уьшин студент йогары окув ошагында, йыл ишинде озгарылатаган баьри шараларда да белсен катнасып, оьзин тек ийги яктан коьрсетип келмеге керек.
Айырылган биринши курс студентлери ишинде Мамедья Култаев энъ де ийги студент болды. Биз ога, етискен уьстинлигинде токталып калмай, оннан да уьйкен баргылар иеси болганды йораймыз.
Г.Сагиндикова.
Суьвретте: М.Култаев