Бизим элимиз кыйынлы заманлардан оьтип туры буьгуьнлерде. Биз баьримиз де биргелесип, Россия Президенти Владимир Путинди коьтергишлеймиз, онынъ Украина еринде россия аьскершилери мен спецоперацияды оьткеруьв керек деген карарын хош аламыз. Коьплеген россиянлылар яшайтаган ерлеринде коьтергишлев акцияларында катнасадылар.

Соьйтип, янъыларда Ногай районынынъ Уйсалган авылында Украина еринде оьтип турган спецоперациясында катнасатаган россия аьскершилерди коьтергишлев ниет пен «Бизикилер уьшин», «Бизим Россия уьшин» деген акция озгарылды. Шарады Уйсалган авыл мектеби авыл маданият уьйининъ куллыкшылары, авыл китапханасы ман биргелесте уйгынланган.
Мектеб директоры Зульфия Магомедали кызы Кожаева Украинада болып турган аьллери, йигитлерше сонда куллык эткен аьскершилеримиз акында хабарлады эм оларды коьтергишлейик деп шакырды.
Акция уьндемев такыйка ман тамамланды.
Бизим хабаршы.
Суьвретте: акция катнасувшылары.