Балалар спорт пан кызыксынганына баьримиз де суьйинемиз. Боьтен де олар туьрли спорт ярысларында катнасып, енъуьвши болганы – ата-анасына уьйкен куьез.

Каримулла Яриков – 2-нши номерли оьспир-яслар спорт мектебининъ тербияланувшысы, ол настольный теннис пен аьвлигеди, етекшиси – Эмире Мурат увылы Елакаев.
Янъыларда Кизляр каласында 2005-2010-ншы йылларда тувган саьбийлер арасында Дагестан Республикасынынъ Бириншилиги озды. Бу турнирде Каримулла ортакшылык этти. Ярыста ол тенълерин енъип, биринши орынды алды. Баскалай, оьз йолдасы ман косакта ойнап, косак эм байыр разрядта енъуьвши болып шыкты.
Каримулла Терекли-Мектеб авылынынъ А-Х.Джанибеков атындагы мектебинде 6-ншы класста окыйды. Окымыслы саьбий, ол билим алмага ымтылады, китаплер окыйды, халкымыздынъ тарихи мен кызыксынады.
Каримуллага аьли де коьп ийгиликлер эм енъуьвлер йораймыз.
Г.Бекмуратова.
Суьвретте: К.Яриков.