Быйыл «Шоьл тавысы» республикалык газетасы 90 йыллыгын белгилейди. Сол сыйлы мерекеге багыслап, октябрь айы бойынша тоьмендеги ярыслар бойынша конкурс озгарылады:

«Ятлавды яттан энъ де ийги окувшы»;
«Энъ де ийги авыл хабаршысы».
Ярыслар шартлары:
1. Ногай шаирлерининъ ятлавын яттан окып, sholtavisi@mail.ru электрон почтасына йиберуьв.
2. Газета бетлеринде ногай тилимизде 90 йылдан бери баспаланып келетаган газетадынъ тарихи бойынша, сонда ис аьрекет бардырган аьдемлер акында макалаларды да аьзирлеп, йогарыда белгиленген адресли почтага йибересинъиз.
Конкурска материалларды быйылдынъ 1-нши ноябрине дейим йиберуьв керегеди. Аьр ярыста уьш енъуьвши орынлары болаяк. Енъгенлер тоьмендеги аьлде савгаланаяклар:
I орынга – 5 мынъ маьнет акша;
II орынга – 3 мынъ маьнет акша;
III орынга – 1 мынъ маьнет акша.
Ярысларда ортакшылык этпеге шакырамыз.

ДР ГБУ «Шоьл тавысы» республикалык газетасынынъ редакциясы.