Буьгуьнлерде Санкт-Петербург каласында кезекли Халклар ара экономикалык форумы оьтеди. Сонынъ исинде бизим республикамыздынъ да делегациясы ортакшылык этеди.

Быйылгы форумда Дагестан биринши кере оьзининъ информационлык стендин коьрсетеди. Стенд баскалардан оьзининъ айырым миллет колорити, регионнынъ экономикасынынъ оьрленуьвинде бас йолларын белгилеви мен баскаланады. ДР Оькиметининъ Председателининъ орынбасары Ризван Газимагомедовтынъ айтувы ман, бу проект Дагестан уьшин айлак маьнели.