Петербург халклар ара экономикалык форум (ПМЭФ) – энъ уьйкен оьлшемли эм маьнели дуныялык оьзгерис. Бу форум 1997-нши йылдан алып озгарылады эм быйыл (14-17-нши июнь куьнлеринде) онынъ бас темасы – «Оьз алдына айырым оьрленуьв (суверенное развитие) – дурыслыкты тутатаган дуныядынъ негизи. Келеектеги несиллер уьшин куьшимизди бирлестирейик». Онда Россия эм шет эллер компаниялар етекшилери, туьрли эллер аькимбаслары эм политикалык аьрекетшилери, Правительстволар председательлери, вице-премьерлер, министрлер эм губернаторлар катнасканлар.
Быйыл ПМЭФ майданында Дагестан Аькимбасы Сергей Меликов эм Запорожье область губернаторынынъ кесек заманга борышларын толтырувшы Евгений Балицкий ис йолыгысын озгардылар. Онынъ барысында Запорожьединъ Михайловский районына коьмек этуьв соравы ойласылды. Сергей Меликовтынъ соьзлери мен, аьдемлердинъ онъайлыгы уьшин коьмек энъ маьнели тармакларда этилинеек. Балалардынъ яй мезгилинде тыншаювына айырым эс каратылаягын белгиледи.
– Республика оьзи Михайловский районыннан балаларды аькетпеге эм оларды ийги аьллер мен канагатламага аьзир. Мунда оларды, ийги ава шартлары, йылы тенъиз эм дагестанлылардынъ конаксуьерлиги куьтеди, – деди Дагестан аькимбасы.
Эске салайык, 4-нши октябрьде Россия Президенти В.Путин «Россия Федерациясына Запорожский областин косув эм Россия Федерация сырасында янъы субъект – Запорожский областин туьзуьв» деген Федераллык конституционлык законын кабыл этип алды.