Дагестан Республикасынынъ Ногай районында балалар майданын курув бойынша куллыклар толысынша тамамланган. Ол «Трезвая Россия» федераллык проектининъ етекшиси, РФ Госдумасынынъ депутаты Бийсултан Хамзаевтинъ баславы ман салынган.

Эске салайык, сол проект бойынша Ногай районында яслар уьшин бир неше спорт воркаут-майданлар салынган.
Янъыларда парламентарий оьзи Ногай районында болып, онынъ гражданларын кабыл этип алды, муниципалитет активи мен йолыгысты эм Ногай ЦРБ-нынъ медкуллыкшылары уьшин акция озгарды.
Ногай районынынъ аькимбасы Мухтарбий Аджеков район яшавшыларынынъ керексинуьвлерине эс каратканы уьшин Бийсултан Хамзаевке уьйкен разылыгын билдирди.
Белгилеп озайык, РФ Госдума депутаты Бийсултан Хамзаев ДР Ногай районынынъ Сыйлы гражданини болады.
Келеекте районнынъ яшавшылар пунктларында «Трезвая Россия» федераллык проекти бойынша тагы да воркаут-майданлар эм баска балалар майданлары салынаяк.