Россия Президенти Дербент ерине ис визити мен келгенде, оны ман йолыгыспага мырады болган, ама мырсаты болмаган Раисат атлы кишкей кызды ата-анасы ман бирге Кремльге конакка шакырды.

Эм мине, 4-ши июльде сол йолыгыста В.Путин Раисатка эм онынъ ата-анасына шешекейлер байламларын савкатлады эм, кыздынъ колыннан етип, ога эм онынъ ата-анасына Кремль бойынша экскурсия озгарды. Сонъ кызды оьзининъ байыр кабинетине киргизип, занъ согув ман Россия Правительствосынынъ Председатели Михаил Мишустинди шакырды. Эндиги бурынгы Дербенттинъ кишкей яшавшысы тек президент пен тувыл, элимиздинъ премьер-министри мен де таныс болды.
Сонъ РФ Президенти финанслар министри Антон Силуановтынъ Дагестанга 5 млрд. маьнет акша коспага керегин эсине салды. Соны ман кишкей кызалак тувган каласына патшалыгымыздан уьйкен инвестиялар алмага себеплик этти.