Яшавынынъ кырк йылына ювык заманын окытувшылык исине багыслап келеди Нариман авылынынъ А.Асанов атындагы орта мектебининъ эсап сабагыннан окытувшысы Марие Абдулла кызы Авезова (суьвретте). Бу куьнлерде оьзининъ кеспи байрамын Марие Абдуллаевна ийги уьстинликлер мен йолыгады. Ол янъыларда Дагестан Республикасынынъ билимлендируьв эм илми министерствосынынъ буйырыгы ман «Дагестан Республикасынынъ билимлендируьвининъ отличниги» деген омырав белгиси мен савгаланды.

Марие Абдулла кызы Авезовадынъ бай окытувшылык сулыбы бу куьнлерде оьз дерислерин кызыклыдан кызыклы этпеге эп береди. Ол оьзи яс несилге сулыбын кызганмай бермеге шалысады. Окытувшыдынъ аьр бир дериси туьрлише озады, ол янъы технологияларды да, туьрли педагоглардынъ окытув методикаларын да кулланар. Бу куьнлерде онынъ алган савгасы шынтысы ман да алал исине коьре казанылган.
Сулыплы, билимли окытувшыды алган савгасы ман да, кеспи байрамы ман да ак юректен кутлайман, алдыда тек уьстинликлер, окувшыларынъыз элге пайдалы болсынлар, оларды тербиялавга салган кыйынынъыз да эш кетпесин.
Г.Сагиндикова.