РФ Президенти Россия яшавшыларына каратылган шакырувында Донбасста айырым аьскершилик операциясын оьткеруьв акында карар алганы акында билдирген.
– Туьзилген аьллер бизге аьли ок та кери калдырмай каты аьрекет этуьвди талаплайдылар. Донбасстынъ халк республикалары Россияга коьмек этуьв акында тилек эткенлер. Сол саялы, ООН Уставынынъ 51-нши статьясынынъ 7-нши кесеги мен келисли кепте, Федерация Советининъ санкциясына коьре эм ДНР эм ЛНР ман туьзилген дослык эм бир-бирине ярдам этуьв акында келисуьвлерди Федераллык Йыйыны кабыл этуьви мен байланыста мен айырым аьскершилик операциясын оьткеруьв акында карар алганман, – деген ол.
Патшалыктынъ етекшиси Россиядынъ планларында Украинага карсы баскыншылык этуьв ниети йок деп белгилеген, болса да Москва оны демилитаризация этуьвге шалысаяк.
