Аьлиги заманларда, политологлардынъ билдируьвине коьре, дуныядагы баьри де эллер бойынша коронавирус юкпалы маразына карсы 3,1 миллиард аьдем вакцина урдырган, яде ол сан планетадагы уьйкен аьдемлердинъ санынынъ 50 проценти болады. Сонынъ акында Джонс Хопкинстинъ Университетининъ билдируьвлери шайытлайдылар.

Бу Университеттинъ статистика билдируьвлерине коьре, Ердинъ 3,1 миллиардтан артык яшавшылары вакцинадынъ би- ринши компонентин сама оьзлерине суктырганлар, сол ок заманда олардынъ 885 миллионы болса, толы кепте вакцинады эттиргенлер.
«Соны ман бирге «Спутник V» сав дуныя бойынша энъ де коьп соралатаган вакцина эм ол аьли Ердеги яшавшылардынъ яртысы яшайтаган 67 эллерде регистрация этилинген. Россия вакцинасы эндигиси 40-тан артык эллерде уьстинликли кепте кулланылады», – деп билдириледи вакцинадынъ Telegram-каналында.
Ол аз болса, тувра инвестициялардынъ Россия фондынынъ (РФПИ) басшысы Кирилл Дмитриев айтканлай, Мексикада, Бахрейнде, Венгрияда, Сан-Маринода, Сербияда, Аргентинада эм баска патшалыкларда, россия дарманы ман вакцина эттиргенлердинъ билдируьвлерине коьре, «Спутник V» оьзининъ йогары сапатын эм кавыфсызлыгын коьрсеткен.