Коронавируслы юкпалы маразына карсы вакцинация муннан да эрте шыгарылган болган болса экен деп, мен аьли ойлайман. Мен эртеректен прививка эттирип, авыр мараздынъ азабын шеккенлер сырасында болмас эдим. Бек кыйын болады, ювык аьдемлерим уьшин тынышсызланувымды соьзлер мен айтып билдирмеге. «Белки олар куьшли авырып койсалар ша, белки мараз оларда меникиндей енъил оьтпесе ше?» – деп мен коьп ойландым. Оьзимнинъ ден савлыгым уьшин де кыйналдым, белки мараз авыр болып оьтер деп. Авырувдан ийги болып барганда да, тагы да кайтарып авырып койсам деп, рахатлык тавып болмадым.

Бизим элде коронавируслы юкпалы маразына карсы вакцинация шыгарылганда да, баслап ойландым. Сонъ мен вакцинацияды оьттим. Оьзим прививка эттиргеннен сонъ, вакцинация оьтпеге ата-анамды, кызымды аькеттим.
Быйылдынъ яз айларында, авырув айлак авыр оьткен мезгилде, мен ювыкларым уьшин алдынгындай этип, куьшли кыйналмадым. Оьзим де «кызыл зонада» уьш ай узагына куллык этип, бир кере де оьзимди ден савлык яктан осал этип сезбедим. Мен шекленмеймен, прививкады этип, дурыс ойга келгениме.
Аявлы район яшавшылары! Оьзинъиздинъ эм ювыкларынъыздынъ ден савлыгын ойлап, вакцинацияды оьтинъиз. Солай ок ювыкларынъызга да онынъ кереклигин анълатынъыз.
Г. Кулаева, врач.