Бабаюрт районынынъ Геме-Тюбе авыл аькимбасы, оьз ыхтыяры ман кеткен Кураш Аджигишиев Ортаклык согыс округынынъ Кызыл байраклы Ортак аьскерлик армиясынынъ 2-нши гвардиялык етекшилевининъ буйырыгы бойынша «За вклад в нашу Победу» медали мен савгаланды. Бираз алдын «Шоьл тавысы» газетамыз Дагестаннынъ Бабаюрт районынынъ Геме-Тюбе авыл аькимбасынынъ яваплылыгы эм йогары патриотизми акында язган эди. Яс авыл яшавшыларына повестка келгенде, Кураш Аджигишиев Донбасска олар ман бирге ясларымыз акында каьр шекпеге эм оларды коршалав ниетте йол алмага токтасты. Кураш Аджигишиев сол заман авыл яшавшыларынынъ аьскершилик коьнъилин белгиледи эм оьзининъ яваплылык эм патриотизм толган соьзлерин айтты: «Мага ясларымызды аькетип, мен калганда, олардынъ алдында уят болды. Эм ясларымызды аькеткен сонъ, мен де калмай, олар ман оьз ыхтыярым ман кетпеге токтастым».
Кураш аьзирликти оьтип, буьгуьнлерде оьз ердеслери мен бирге согыс спецоперация оьткен ерде неонацизм эм сатанизмди енъуьвде оьз уьлисин косып келеди. Айтып озайык, «За вклад в нашу Победу» деген медали Ортаклык согыс округынынъ Кызыл байраклы Ортак аьскерлик Армиясынынъ 2-нши гвардиялык етекшилеви мен аьзирленген эм аьскершилерге, солай болып, гражданларга Енъуьвге этилинген косым уьшин бериледи.
Суьвретте: Кураш Аджигишиев.