Ер катнасувлары тармагында туьзилген маьселелер Дагестаннынъ армаган оьрленуьвин иркедилер эм социаллык, инженер курылысларын туьзбеге буршав бередилер. Сонынъ акында республика Аькимбасы Сергей Меликов янъыларда «Ер-муьлк катнасувлары тармагында патшалык етекшилевди ийгилендируьв» деп аталган республикалык конференциясында айтып белгилеген.

Дагестан етекшисининъ соьзине коьре, сондай соравлар региондагы социал-экономикалык эм ямагат-политикалык аьллерге оьз себеплерин этпей болмайдылар. Сонынъ сырагысында республикадагы инфраструктуралык тыювларды тайдырмага амал табылмайды, неге десе йылытув, газ, электротармаклары эм хозяйстволык маьнелиги болган баска объектлер бирерде эрислесуьв тувдыратаган ерлер уьстиннен оьтедилер.
Сергей Меликовтынъ айтувы ман, ер катнасувлар маьселелери арада бизде экономикалык, политикалык эм миллетлер ара давласувлардынъ себеплери болып та аладылар.