Россия Федерациясынынъ административли правобузувлар Кодексине коьре административли правобузувлар уьшин салынган штраф заманы ман тоьленип таймага керек, ама закон ман токтастырылып салынган заманга штраф тоьленмейтаган ерлер коьп боладылар. Эгер салынган штраф заманы ман тоьленмесе, полиция куллыкшылары ман, РФ КоАП 20.25 статьясынынъ 1-нши кесегине коьре, протокол салынады эм салынган протокол мировой судка йибериледи.

Айтпага, эгер йол-юрис йорыкларын бузув уьшин салынган штраф уьш куьн узагында тоьленмесе де, мировой судка йибериледи эм салынган штраф оьлшеми бир неше кереге артады. Административли правобузувлар этип, салынган штрафты заманы ман тоьлемейтаганларды полиция ман бирге судебный пристав куллыкшылары да излейдилер эм куьштен административли штрафты тоьлетпеге шалысадылар. Административли законодательстводы тутар эм Ногай районынынъ консолидированный бюджетине косым этер ниет пен Ногай районы бойынша Россия МВД-сы 2022- нши йылдынъ увыт айынынъ 20-ншы куьниннен алып 28-нши куьнине дейим «Должник» оперативли алдын шалув шарасын озгарды.
Бу оперативли алдын шалув шарадынъ бас борышлары: Ногай районы бойынша Россия Федерациясынынъ МВД боьлигининъ ваькилли органларынынъ куллыкшылары ман салынган штрафларын заманы ман тоьлетуьвге каратылган шаралар озгарув. Сол салынган штрафларды тоьлетуьвде район пристав куллыкшылары ман биргелес исти уйгынлав болады.
И.Янполов,
Ногай районы бойынша Россия ОМВД-нынъ полиция начальниги, иш ислер службасынынъ подполковниги.