Уьстимиздеги йылдынъ апрель айынынъ 17-де 20.00 саьатте «Звезда» телеканалында «Часовые памяти. Дагестан.» деген документальлик фильм коьрсетилеек. Бу фильм («Часовые памяти» цикл) Дагестаннынъ Каспийск каласынынъ Кизлярда, Ногай районында Уллы Аталык согысы йылларында ян берген яде сес-хабарсыз йок болган аьскершилер, тыл куллыкшылар эстелигине Дагестаннынъ  ашылган музейинде, оьткен йылдынъ ноябрь айында согылган.

Белгилеп озайык, кино алувшы куьп, проект режиссеры Алексей Рафаенко ман бирге, 1942-нши йылда, район ери ярым йылга фашист баскыншылары ман бийленгенде, баслангыш мектебинде Кызыл Аьскер аьскершилери уьшин госпиталь, солай ок ян берген аьскершилерининъ мезарлары орынласкан Батыр-Мурза авылында болып кеткен.