Ногай районында шегертки мен куьресуьв шаралар озгарылады. Кавыфлы зыяншы ман куьресуьвде кишкей авиация ислеп баслаган.

Куллыклар Ставрополье мен бирге регионлардынъ авылхозяйстволык ведомстволарынынъ эртеректен соьйлесуьвлери бойынша басланган.
ДР Авылхозяйстволык министерствосында белгилейдилер, конъысы регионлар ман бирге аьрекетлев шегерткиге бир регионнан баскасына коьшуьв амалын тоьмен этеди.
Авиация коьмеги мен шегерткиге карсы шаралар Дагестаннынъ Кумторкала районында да озгарыладылар.
ДР Авыл хозяйство эм азык-туьлик министрининъ биринши орынбасары, зыяншы шегерткилер мен куьрес юритуьв бойынша туьзилген республикалык штабынынъ етекшиси Шарип Шариповтынъ соьзлери мен, Дагестанда 63 мынъ гектар ер тергелген, сонынъ 23 мынъ гектарында шегертки аянланган.
Бу куьнлерге 13, 5 мынъ гектар ер химикатлар ман увланган.