Доьрт куьнге Саранск каласы «Авыл ерине – спорт» аьел спорт фестивалининъ орталыгы болды. Россия эм Белорусия эллерининъ 28 регионларыннан 180 спортсменлер бир-бириси мен ким куьшли, тез деп сынастылар. Авыл ериннен келген аьел командалардынъ спорт фестивали Мордовияда Госдумадынъ депутаты Юлия Оглоблинадынъ баславы ман озды.
– Фестиваль бек ийги болып оьтти. Мордовияда бу шарадынъ оьтуьви де маьнели, неге десе бу эл оьзининъ спорт тармагындагы уьстинликлери мен оьктемсимеге болады, – деди ол.
Дагестан Республикасыннан фестивальде Тарумов авылыннан Кадырбековлардынъ аьели катнасты. Командалар эстафета, пневматикалык туьбектен атув, многоборье, 1000 эм 500 метрге ювырув эм баска спорт кеплери бойынша сынастылар.
Ярыслар сырагылары бойынша енъуьвшилер эм катнасувшылар дипломлар ман, медальлер мен эм кубоклар ман савгаландылар.
Бизим хабаршы
Суьвретте: фестиваль катнасувшылары.
Инсанлардынъ ден савлыгы беркленсин
![](https://golosstepi.ru/wp-content/uploads/sites/7/sites/7/2022/11/elmira1-20-noyabr-1024x768.jpg)