Йыл сайын коькек айдынъ 21-нши куьнинде Россия бойынша ерли самоуправление куьни байрамшыланады. Бу куьн муниципалитетлер куллыкшыларын ийги куллык уьшин белгилейдилер.

Айсылув Осман кызы Суюндикова «село Терекли-Мектеб» авыл поселениесинде 2016-ншы йылдан алып ислейди. Ол Терекли-Мектеб авылында тувып-оьскен, мунда Кадрия атындагы мектебти битирген. 2007-нши йыл Айсылув Суюндикова Кисловодск каласына Гуманитарлык техникалык институтына туьсип, «финанслар эм кредит» кесписи бойынша диплом алган. Ерли муниципалитетте Айсылув секретарь-референт болып куллык этеди. Яс специалист оьз исине яваплылык пан карайды, алдына салынган борышты ийги этип толтырады.
Биз Айсылув Осман кызын кеспи байрамы ман кутлап, ога келеекте куллыгында уьйкен уьстинликлер йораймыз.
Г.Бекмуратова.
Суьвретте: А.Суюндикова.