Аслан Джуманбетов яны суьйген исин байырлар ниетте Астрахань каласындагы маданият колледжинде окыган. Оьз ис аьрекетин 2010-ншы йылда Терекли-Мектеб авылынынъ маданият уьйинде звукооператор болып баслаган.

Бу куьнлерде болса яс янына рахатлык аькелген исине савлайын оьзин береди. Ол Ногай патшалык саз алатлар оркестринде домбырада ойнайды, солай ок «Айланай» патшалык фольклор-этнографиялык ансамблинде звукооператор куллыкларын юритеди. Ийги иси уьшин ДР Маданият министерствосынынъ Сый грамотасы ман савгаланган. Куллыгы бойынша Аслан Нурманбет увылы Астрахань, Карачаевск, Черкесск, Дербент калаларында озгарылган шараларда ортакшылык эткен.
Кайратлы маданият куллыкшысын биз кеспи байрамы ман кутлаймыз, ногай халкынынъ маданият асабалыгын саклав ман бирге маданият оьрленуьвине оьз уьлисин косканлар сырасыннан болганын йораймыз.
Н.Кожаева.
Суьвретте: А.Джуманбетов.