Казан айдынъ 7-нши куьнинде Россия Президенти Владимир Путинге тувганлы 70 яс толаяк.
Владимир Владимирович Путин – россиялык патшалык, политикалык эм аьскерлик аьрекетшиси, 2012-нши йылдан алып Россия Федерациясынынъ аьлиги Президенти, Россия Федерациясынынъ Государстволык Советининъ председатели, РФ Савытлы куьшлердинъ оьр главнокомандующийи. Алдынгы заман 2000-2008-нши йылларда Президент куллыгын юриткен, солай ок 1999-2000, 2008-2012-нши йылларда РФ Оькиметининъ председатели болып аьрекет эткен. Ленинград патшалык университетин битирип, 1977-нши йылдан алып йогары ис орынынларда куллык эткен.
Элимиздинъ басшысы болган заманда Владимир Путин Россияды оьрленуьв йолы ман алып бармага ниетленген. Сол йылларда биринши болып ол яваплы ямагат-политикалык куьшлери халкка Россиядынъ оьрленуьвине каратылган стратегиялык программасын туьзбеге эм коьрсетпеге керек экенин айтты. Солай ок политикалык тебенлетуьв, россия халкынынъ яшав-турмыс аьллерининъ ийгиленуьв принциплери беркитилди.
Россия Президенти оьз аьрекетининъ бас борышлары деп патшалык властин, правойорык эм законлыкты, коррупция ман куьресуьвди беркитуьв, гражданлык ямагатты туьзуьв, Савытлы куьшлерди янъыртув, илми эм билимлендируьвди оьрлендируьв, элимиздинъ миллет белгилерин, гражданлардынъ патриотизм яктан сезимин янъыртув деп белгилейди.
Буьгуьнлерде элимизге кыйынлы заманлар келип туры. Сондай аьллерде Россия Президенти дурыс эм акыйкат токтаслар алып, Аталыгымызды коршалавга, савлай яшавшылардынъ кавыфсызлыгын аьжетсизлевге баьри куьшин салады. Владимир Путин иси мен де, яшавы ман да оьз Элине алал экенин куьн сайын кыйынлы эм яваплы аьрекети мен шайытлайды.
Элимиздинъ басшысын тувган куьни мен кутлаймыз, ога аьли де коьп йыллар халкы уьшин яшаганын йораймыз.