Уьстимиздеги йылдынъ навруз айынынъ 26-27-нши куьнлеринде Дагестан Респуб- ликасынынъ Махачкала каласында «Иске эм коршалавга аьзир» деген Савлайроссиялык физкультура-спорт комплексининъ фестивали болып озды.

План бойынша белгиленген фестиваль 2022-нши йылдынъ коькек айынынъ 2-нши куьнинде озгарылмага керек эди, ама Дагестан Республикасынынъ физический культура эм спорт бойынша министри С.Сажидовтынъ аьризесине коьре, белгиленген шара навруз айынынъ 26-27-нши куьнине коьширилген.
Сол аьризеге коьре, «Ногайский район» МР администрациясынынъ аькимбасынынъ орынбасары Баймагомед Ярлыкапов та, Махачкалада «Иске эм коршалавга аьзир» деген Савлайроссиялык физкультура-спорт комплексининъ язлык фестивалинде Терекли-Мектеб еринде ис аьрекетин бардыратаган «Юлдыз» эм «Айсылув» балалар бавларыннан доьртер куллыкшыды йибермеге керек деген аьризеге кол баскан. Сол аьризеге коьре, Ногай районы бойынша ГТО методисти, Кадрия атындагы орта мектебининъ физкультура сабагыннан окытувшысы Адильбек Рамазан увылы Валиевтинъ етекшилеви астында биз йогарыда белгилеген шарада Терекли-Мектебтинъ «Юлдыз» эм «Айсылув» балалар бавыннан сегиз тербиялавшылары ортакшылык этип, оьзлерининъ спорт аьзирлигин коьрсеттилер.
Г.Сагиндикова.
Суьвретте: Дагестан Республикасы бойынша оьткен ГТО катнасувшылары.