Дагестан Республикасынынъ Авыл хозяйство эм азык-туьлик министерствосынынъ етекшиси Мухтарбий Аджеков ис йорыгы бойынша Кизляр районында конакта болып кетти. Ол район аькимбасы Аким Микиров пан бирге районнынъ авыл хозяйстволык управлениесинде болып кеттилер. Онда олар дуьги йыйнав эм баска авыл хозяйстволык куллыклары толтырылувынынъ юритилуьви бойынша соравларын карадылар.

«Аьлиги заманда Дагестанда дуьги 400 гектар майданыннан йыйылган. Кизляр районында бу иске бириншилерден Кизляр агрокомплекси киристи – хозяйствода 200 гектарга ювык дуьги йыйналган, ортак аслыгынынъ саны гектардан 60 центнер болады. Мухтарбий Аджеков Кизляр районын республикада бас дуьги асыллавшы деп белгиледи. Солай болып, аграрийлерге етимисли йыйнав кампаниясын йорады.
Авыл хозяйство эм азык-туьлик бойынша министерствосынынъ етекшиси Мухтарбий Аджековтынъ белгилеви бойынша аграрлык ведомствосы баьри ерли дуьги асыллавшыларына эм аграрийлерге уьйкен демевлик этип келеди.
Суьвретте: Дагестан Республикасынынъ Авыл хозяйство эм азык-туьлик министерствосынынъ етекшиси Мухтарбий Аджеков Кизляр районында.