Янъыларда Дагестаннынъ Аькимбасы Сергей Меликов ис йорыгы ман Москвага барувы бойынша РФ Федерациясынынъ Советининъ Председатели Валентина Матвиенко ман йолыгысты. Олар Дагестаннынъ социал-экономикалык оьрленуьвин ойластылар.

Сергей Меликов эм Валентина Матвиенко регионнынъ социал-экономикалык оьрленуьвининъ, уьстимиздеги 2021-нши йылдынъ март айында парламенттинъ йогары палатасында Дагестан Республикасынынъ куьнлери сырагылары бойынша кабыл этилинген ФС Токтасларынынъ толтырылув соравларын ойластылар.
Сергей Меликов планга алынган проектлерининъ яшавга шыгарылувы акында билдирди. Регионнынъ Аькимбасынынъ соьзлери мен, РФ ФС Председателининъ Биринши орынбасары Андрей Яцкиннинъ етекшилиги астында Махачкалада бы- йылдынъ октябрь айында оьткен Федерациясынынъ Советининъ комитетлер кенъеси бо- йынша республика оькиметининъ сенаторлар эм толтырувшы власть органларынынъ ваькиллери мен биргелес куллыгы бек маьнели болды.
«Баьри маьселелер де план йорыгы бойынша шешиледилер. Миллет проектлери бо- йынша куллыклар туьзетилинди. Инфраструктуралык кредитлер алувы, инвестициялар киргистуьв бойынша куллык этемиз», – деп хабарлады Сергей Меликов.
Федерация Советининъ спикеры РФ ФС Токтасларын толысынша яшавга шыгарылувы керекли акында айтты.
«Сиз тез арада шешилмеге тийисли маьселелерди шешип басладынъыз, Дагестаннынъ оьрленуьвининъ стратегиялык коьринисин туьздинъиз. Соны ман бирге коьп заманлардан бери йыйылып калган, тек орталыктынъ коьмеги мен шешилинип болаяк маьселелер бар. Бек маьнели федераллык структуралар ман биргелес аьрекет туьзбеге, сенаторлар керекли коьмекти этпеге аьзир», – деди Валентина Матвиенко.