Кадрия атындагы мектебининъ негизинде уьстимиздеги йылдынъ карагыс айынынъ 14-18-нши куьнлеринде «Йыл окытувшысы-2022» район конкурсы оьтти.
«Йыл окытувшысы-2022» шарасында Ногай районынынъ 12 мектебиннен 12 окытувшы ортакшылык этти.

Баьри сынавлар сырагылары бойынша, компетентли тоьрешилер, конкурс катнасувшыларынынъ педагогикалык усталыгына белги берип, 3 енъуьвшиди белгиледилер. Сыйлы 1-нши орынды А.Джанибеков атындагы мектебининъ обществознание сабагынынъ окытувшысы Эльвира Саитова казанды.
Экинши орынга Нариман авыл мектебининъ ана тилининъ окытувшысы Зульфира Бодениязова, уьшинши орынга Кумлы авыл мектебининъ орыс тилининъ окытувшысы Румиса Мамурова тийисли болдылар.
«Йыл окытувшысы-2022» конкурсынынъ муниципаллык кезегинде ийгилердинъ ийгиси этип белгиленген Эльвира Саитовага оьзининъ ислеген мектебининъ сыйын конкурстынъ зональный кезегинде коршаламага туьсеек.
Н.Кожаева.
Суьвретте: З.Бодениязова, Э.Саитова эм Р.Мамурова.