Буьгуьнлерде коронавируслы инфекциясы ман байланыслы аьллер ийгиленмейдилер. Вакцинация оьтуьв эм тыюв амалларды тутув маразды токтатпага болады.

Ногай районы бойынша Россия ОМВД байыр сырасы ман ислев боьлигининъ етекшиси, иш службасынынъ подполковниги Руслан Кельдасов оьз исинде кайдай куллыклар юритилетаганы акында «Шоьл тавысы» газетасынынъ корреспондентине хабарлады.
– Буьгуьнлерде ерли полиция боьлигинде коронавирус пан куьресуьв бо- йынша куллыклар юритилип турады. Бизим куллыкшылар район яшавшылары ман ислейдилер, сога коьре баьримизге де кавыфсызлык амалларды тутув бек маьнели болады. Исинде де, уьйде де полиция куллыкшылары байыр коршалав амалларын кулланадылар. Аьлиги заманга 253 куллыкшылар вакцинация оьткенлер, 6 айдан сонъ 75 полиция куллыкшылары ревакцинацияды да оьттилер. Биз анълаймыз, сол зат бизим куллыкшыларымыздынъ кавыфсызлыгы уьшин этилинеди.
Мен район яшавшыларына вакцинация оьтинъиз деп шакырув этемен. Эгер биз коллективли иммунитет туьзип болсак, ердеслеримиз больницаларга туьспес эди. Тек янъыларда районымыздынъ авылларынынъ бирисинде эрли-хатын оьлди, сол зат бизди тынышсызландырмай болмайды. Вакцинация оьтпеге керек, ол бизим ден савлыгымызды коршалайды. Савлай элимиздеги коронавирусты биз тек сол заман енъмеге боламыз, – деп айтты Руслан Кельдасов.