Янъыларда Кизляр каладынъ администрациясынынъ аькимбасы Александр Шуваловтынъ ис кабинетинде Кизляр айырым япсар бойындагы округ Терек аьскерининъ эм Ногай Терекли-Мектеб юрт казак ямагатларынынъ атаманлары биргелес катнасув эм аьрекет этуьв акында келисуьв туьзгенлер. Документ астына оьз колларын атаманлар Борис Блинов пан Арслан Бекмурзаев басканлар.
«Буьгуьн казак ямагатлары арасында бирликти беркитувге каратылган эстеликли оьзгерис болып оьтти. Атаманлардынъ йолыгысынынъ сырагысында байланысларды эм биргелес аьрекет этуьвди беркитуьв акында келисуьвге коллар басылды. Украинада болып турган ислер мен байланыста ямагат агзаларын мобилизация резервине киргистуьв соравларын шешуьвде мундай катнасув айлак та маьнели. Тек янъыларда биз каладан оьз ыхтыяры ман 18 казакларды специальли согыс операциясы юрип турган зонага йибердик», – деп белгилеген Кизляр аькимбасы Александр Шувалов.
Келисуьвде солай ок казаклардынъ ийги патриот аьдетлерин, маданиятын кайтадан тургызув, спорт ойынларын эм ярысларын таралтув шаралары да белгиленген.
Суьвретте: шарадан коьринис.